საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
07 მარტი 2018
ქვემო ქართლის გუბერნატორი, გრიგოლ ნემსაძე, ბოლნისში მცხოვრებ დამსახურებულ და ღვაწლმოსილ მსახიობს, ნათელა თარხნიშვილს ესტუმრა და დამდეგი ქალთა საერთაშორისო დღე მიულოცა.
გრიგოლ ნემსაძემ ბოლნისელ მსახიობს მუნიციპალიტეტში კულტურის სფეროს განვითარებაში შეტანილი მნიშვნელოვანი წვლილისთვის მადლობა გადაუხადა და სადღესასწაულო საჩუქრები გადასცა.
ნათელა თარხნიშვილი 1977 წლიდან მოღვაწეობდა ბოლნისის თეატრში და წლების განმავლობაში 15-მდე სპექტაკლში სხვადასხვა სახასიათო როლი შეასრულა. დაჯილდოებულია კულტურის სამინისტროს მე–2 ხარისხის დიპლომით.
ამჟამად, ნათელა თარხნიშვილი მუშაობს ბოლნისის კულტურის სახლში, ხალხური რეწვის მიმართულების სპეციალისტად.