დღეს, ქვემო ქართლის რეგიონი რუსთავქალაქობას აღნიშნავს. ღონისძიების ფარგლებში ქართული მუსიკის საღამო გაიმართა, სადაც მაყურებლის წინაშე ქართული ესტრადის, სამი თაობის ვარსკვლავი: ნანი ბრეგვაძე, ეკა მამალაძე და ნატალია ქუთათელაძე წარსდგნენ და თეატრალურის კვარტეტთან ერთად თავიანთი რეპერტუარიდან ყველასათვის საყვარელი მუსიკალური ნაწარმოებები შეასრულეს. ღონისძიება კი მუსიკალურად  ოპერისა და ბალეტის ორკესტრმა ნიკა ნიკვაშვილის ხელმძღვანელობით გააფორმა.
მოხარული ვარ, რომ რუსთავში მსგავსი კულტურული ღონისძიებები იმართება. ვიმედოვნებ, რომ პანდემიის შემდგომ, ტრადიცია აღდგება და მსგავსი ღონისძიებები ყოველ წელს ჩატარდება”- გიორგი დოხტურიშვილი. 

რუსთავქალაქობისადმი მიძღვნილ საღამოს წარუძღვა ნიკა წულუკიძე. 
რუსთავქალაქობა 2022-ს რწმუნებულის მოადგილე ნიკა კობახიძე, მხარის მუნიციპალიტეტების მერები, ყველასთვის საყვარელი კინორეჟისორი ელდარ შენგელაია, მსახიობი ლეო ანთაძე, სახალხო არტისტები, მოწვეული სტუმრები და ადგილობრივი მოსახლეობა ესწრებოდა.