საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
15 ივნისი 2022
ქვემო ქართლში სახელმწიფო რწმუნებული, გიორგი დოხტურიშვილი, რუსთავის საკრებულოს ფრაქცია ,,ქართული ოცნების“, აღმასრულებელი, საკანონმდებლო და ადგილობრივი ხელისუფლების წარმომადგენლებთან ერთად, ახალი სამსახურის-რუსთავის მერის მუნიციპალური ინსპექციის პრეზენტაციას დაესწრო, რომელიც რუსთავის მერმა, ნინო ლაცაბიძემ გამართა.
აღსანიშნია, რომ რუსთავის მერიის ზედამხედველობის სამსახურის ბაზაზე, სრულიად ახალი, თანამედროვე ტექნიკით აღჭურვილი მუნიციპალური ინსპექციის სამსახური შეიქმნა. ამისათვის, ცვლილებები სამ ეტაპად განხორციელდა, ესენია: სამსახურის სტრუქტურული რებრედინგი; ავტოპარკის და მატერიალურ-ტექნიკური ბაზის შექმნა; საქართელოს პარლამენტში და ქალაქის საკრებულოში შეტანილი საკანონმდებლო ცვლილებების პაკეტი.
გატარებული რეფორმა, რუსთაველებს ახალი, სწრაფი და ეფექტური მუნიციპალური სერვისებით უზრუნველყოფს, საკანონმდებლო ცვლილების შედეგად მიღებული გამარტივებული მოსაკრებლის საგადასახადო სისტემა, კი დადებითად აისახება ქალაქის ბიუჯეტზე, რაც რუსთავს კიდევ უფრო მეტ ახალ შესაძლებლობებს გაუჩენს.