ქვემო ქართლში სახელმწიფო რწმუნებულის ადმინისტრაციაში ეთნიკური უმცირესობების ინტეგრაციისა და პროცესში არსებული საჭიროებების შესახებ იმსჯელეს.

სამუშაო შეხვედრაზე სახელმწიფო რწმუნებულის მოადგილეს კახა კობერიძესა და ადგილობრივი მუნიციპალიტეტების ხელმძღვანელ პირებს, ,,ადამიანის უფლებების სწავლებისა და მონიტორინგის ცენტრის“, თანასწორობის პოლიტიკის დირექტორმა, თამთა მიქელაძემ ორგანიზაციის მიერ ჩატარებული კვლევის ,,ეთნიკური უმცირესობების უფლებრივი მდგომარეობის შესახებ“ შედეგები და კონკრეტული რეკომენდაციები გააცნო.

ხელისუფლების წარმომადგენლებმა ეთნიკური უმცირესობების მიმართ სახელმწიფო პოლიტიკის შესახებ ისაუბრეს და ყურადღება გაამახვილეს ამ მიმართულებით გატარებულ ღონისძიებებზე.

საუბარი შეეხო ქვეყნის პოლიტიკურ, ეკონომიკურ და საზოგადოებრივ ცხოვრებაში ეთნიკური უმცირესობების სრულფასოვანი ჩართულობის მნიშვნელობას. სამუშაო შეხვედრაში მონაწილეობა მიიღეს, ადგილობრივი ხელისუფლების, EMC_ის, საზოგადოებრივი პლატფორმა - ,,სალამისა“ და სამოქალაქო სექტორის წარმომადგენლებმა.