ქვემო ქართლში სახელმწიფო რწმუნებულის მოადგილე კახა კობერიძემ ,,არტ კერას“ მოსწავლეებს სამხატვრო კონკურსში ,,ნახატები ბიბლიურ თემაზე“ მიღწეული წარმატება მიულოცა და სიმბოლური საჩუქრები გადასცა.

ნანუკა კოჭლამაზაშვილმა და მარიამ ბუსკივაძემ კონკურსის ფარგლებში ბიბლიურ თემაზე შესრულებული ნამუშევრები წარადგინეს და რამდენიმე ეტაპიანი კონკურსი წარმატებით გაიარეს.

კახა კობერიძემ სამხატვრო სკოლის ხელმძღვანელს, დარეჯან ნოზაძეს რუსთავში, კულტურისა და ხელოვნების სფეროს განვითარებაში შეტანილი მნიშვნელოვაში წვლილისთვის სპეციალური სიგელი გადასცა, სკოლის სამომავლო გეგმების შესახებ ინფორმაცია მოისმინა და საგამოფენო სივრცეში წარმოდგენილ ნამუშევრებს გაეცნო.

კონკურსი - „ნახატები ბიბლიურ თემებზე“, მეცხრე წელია, საქართველოს მასშტაბით, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია II-ის ლოცვა-კურთხევით, საპატრიარქოს ახალგაზრდული ცენტრის ორგანიზებით და საქართველოს განათლებისა და მეცნიერების სამინისტროს მხარდაჭერით ტარდება.