ქვემო ქართლში სახელმწიფო რწმუნებული, შოთა რეხვიაშვილი მარნეულის მუნიციპალიტეტის #2 საჯარო სკოლაში, ადგილობრივი თვითმართველობის ხელმძღვანელ პირებთან ერთად, დედა ენისადმი მიძღვნილ ღონისძიებას დაესწრო. 

მოსწავლეები სტუმრების წინაშე, დიდი ქართველი პედაგოგისა და საბავშვო ლიტერატურის ფუძემდებლის, იაკობ გოგებაშვილის მოთხობის ,,იავნანამ რა ჰქმნა“ - ს მიხედვით დადგმული თეატრალიზებული წარმოდგნენით წარდგნენ. 

ღონისძიების ფარგლებში შესრულდა ქართული-ხალხური ცეკვები და სიმღერები. სკოლის მოსწავლეებმა ქართული ენის ისტორიაზე მის მნიშვნელობასა და სწავლების აუცილებლობაზე საზოგადო მოღვაწეების ცნობილი გამონათქვამების მიხედვით ისაუბრეს. 

შოთა რეხვიაშვილმა, მოსწავლეებს სახელმწიფო ენის კარგად ფლობისთვის, პედაგოგებს კი გაწეული, ნაყოფიერი საქმიანობისთვის მადლობა გადაუხადა და ეთნიკურ უმცირესობებში ქართული ენის ცოდნის აუცილებლობაზე გაამახვილა ყურადღება. 

აღსანიშნავია, რომ საქართველოში დედაენის დღე 1990 წლიდან, ტრადიციულად, 14 აპრილს აღინიშნება.