სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

წიგნი ვანლერ დაისელის შემოქმედების შესახებ

21 დეკემბერი 2018


20 დეკემბერს, უცნობი ქართველი რეპრესირებული მოდერნისტი პოეტის, ვანლერ დაისელის-ივანე ბაბუაძის წიგნის „მზის სისხლის“ პრეზენტაცია გაიმართა, რომელიც ახალგაზრდა ისტორიკოსის, ლევან ჟვანიას რედაქტორობით, რამდენიმე წლიანი მუშაობის შედეგად გამოიცა. 

ავტორმა თავი მოუყარა მივიწყებული პოეტის მიერ, 26 წლის ასაკამდე, 1926-1929 წლებში, შექმნილ სხვადასხვა გამოცემაში გამოქვეყნებულ ლექსებს და ნოველას „ლივილლა“, რომელიც თბილისის მერიისა და საკრებულოს ერთობლივი მხარდაჭერით და დაფინანსებით დაიბეჭდა. 

ღონისძიებას ქვემო ქართლში სახელმწიფო რწმუნებულის ადმინისტრაციის, რეგიონის მუნიციპალიტეტების, ქალაქ თბილისის მერიისა და საკრებულოს ხელმძღვანელი პირები, კულტურის სფეროს წარმომადგენლები, მწერლები და სხვა მიწვეული სტუმრები დაესწრნენ. 

აღსანიშნავია, რომ ვანლერ დაისელი ცნობილი ლიტერატურული ორდენის „სომნამბულების“ დამფუძნებელია. ის თავისი შემოქმედებით მუდმივად აპროტესტებდა საქართველოს დამოუკიდებლობის დაკარგვას და წითელ დიქტატურას. მხოლოდ 1922-1925 წლებში სამჯერ იქნა დაპატიმრებული ანტისაბჭოთა საქმიანობისთვის. არაერთი დაკავების და სისტემატიური დევნის მიუხედავად, არ უშინდებოდა არსებულ რეჟიმს. პოეტი ბოლშევიკებმა 1929 წელს მეოთხედ დააპატიმრეს და 3 წლით გადაასახლეს. ვანლერ დაისელი გადასახლებიდან არ დაბრუნებულა, 1932 წელს არხანგელსკში ქრება მისი კვალი. 


  • წიგნი ვანლერ დაისელის შემოქმედების შესახებ
  • წიგნი ვანლერ დაისელის შემოქმედების შესახებ
  • წიგნი ვანლერ დაისელის შემოქმედების შესახებ
  • წიგნი ვანლერ დაისელის შემოქმედების შესახებ
  • წიგნი ვანლერ დაისელის შემოქმედების შესახებ
  • წიგნი ვანლერ დაისელის შემოქმედების შესახებ
  • წიგნი ვანლერ დაისელის შემოქმედების შესახებ
  • წიგნი ვანლერ დაისელის შემოქმედების შესახებ
  • წიგნი ვანლერ დაისელის შემოქმედების შესახებ
  • წიგნი ვანლერ დაისელის შემოქმედების შესახებ