საქართველოს პედაგოგთა და მეცნიერთა თავისუფალი პროფკავშირების რუსთავის საქალაქო ორგანიზაციის ორგანიზებით, გიგა ლორთქიფანიძის სახელობის პროფესიულ-დრამატულ თეატრში, რუსთაველი პედაგოგების მონაწილეობით ღონისძიება გაიმართა. 

კონცერტზე მასწავლებლები მაყურებლის წინაშე იუმორისტული, მუსიკალური და ქორეოგრაფიული ნომრებით წარდგნენ. 

ღონისძიებას ქვემო ქართლის გუბერნატორის მოადგილე კახა კობერიძე, საქართველოს პარლამენტში რუსთავის მაჟორიტარი დეპუტატი პაატა მხეიძე, რუსთავის მერი ირაკლი ტაბაღუა და ადგილობრივი ხელისუფლების წარმომადგენლები დაესწრნენ. 
ორგანიზატორებმა საღამო პროფესიული დღესა და რუსთავის 70 წლის იუბილეს მიუძღვნეს.