ქვემო ქართლში სახელმწიფო რწმუნებული-გუბერნატორი, გრიგოლ ნემსაძე ბოლნისის მუნიციპალიტეტში საგანმანათლებლო-სარეაბილიტაციო ცენტრს ესტუმრა და დაუნის სინდრომის საერთაშორისო დღე დაწესებულების მოსწავლეებთან ერთად აღნიშნა. 

,,დიახ, მეგობრები ნამდვილად არ ითვლიან ქრომოსომებს და ეს დამიანები ჩვენი საზოგადოების სრულუფლებიანი და ღირსეული წევრები არიან. სახელმწიფო ამ მიმართულებით ეფექტურად მუშაობს და ცდილობს, საზოგადოებაში, დაუნის სინდრომით მცხოვრები პირების ხმა მაქსიმალურად დაიცვას. ჩვენ თანასწორები ვართ, შესაბამისად შეგვწევს ძალა, ერთობლივად, საკუთარი განათლებით, შრომითა და გამოცდილებით, მნიშვნელოვანი წვლილი შევიტანოთ ქვეყნის განვითარების საქმეში“-აღნიშნა, ქვემო ქართლის გუბერნატორმა, გრიგოლ ნემსაძემ.

დღესვე, საერთაშორისო თარიღს ქვემო ქართლში სახელმწიფო რწმუნებულის-გუბერნატორის ადმინისტრაციის თანამშრომლებიც შეუერთდნენ, რომლებმაც კამპანიის #წინდამინდა-ს ფარგლებში თემატური ფოტოები გადაიღეს.