კანადიდან, პოლონეთიდან და სლოვაკეთიდან ჩამოსულ დელეგაციის წევრებთან და მხარის მუნიციპალიტეტების მერებთან ერთად გიორგი დოხტურიშვილი „ბოლნისქალაქობა 2022-ს“ დაესწრო.

სახალხო დღესასწაულზე ტრადიციულად საწნახელში დაიწურა ყურძენი.

ნიკოლოზ რაჭველის დირიჟორობით, ევგენი მიქელაძის სახელობის საქართველოს სიმფონიურმა ორკესტრმა ღონისძიების ფარგლებში გალა-კონცერტი გამართა, ნატო მეტონიძემ, ანსამბლმა „შვიდკაცა“, ლევან დეისაძემ, ზაზა ცერცვაძემ და ნიკოლოზ ქაჯაიამ კი ყველასთვის საყვარელი სიმღერები შეასრულეს.

ორწლიანი პაუზის შემდეგ სახალხო დღესასწაულის ფარგლებში მოეწყო:
ქვემო ქართლის მუნიციპალიტეტების კუთხეები;
სხვადასხვა სახეობის ქართული ღვინის, სოფლის მეურნეობის პროდუქტებისა და ქართული ნუგბარის დეგუსტაცია-გამოფენა-გაყიდვა;
საბავშვო და გასართობი სივრცეები.

ღონისძიების დასასრულს საპატიო მოქალაქის წოდებით ბოლნისის მოქალაქეები დაჯილდოვდნენ.

#ქვემოქართლისმხარე
#ბოლნისქალაქობა2022