გიორგი დოხტურიშვილი პოლონეთის რესპუბლიკაში, ქალაქ კატოვიცეს მერს ოფიციალური ვიზიტის ფარგლებში შეხვდა.

სახელმწიფო რწმუნებულმა და კატოვიცეს მერმა ქალაქების დამეგობრობის საკითხი განიხილეს, სამომავლო სამოქმედო გეგმები დასახეს და მთავარი აქცენტები ორ რეგიონს შორის სამომავლოდ მეგობრული ურთიერთობების გამყარებაზე გააკეთეს.

ოფიციალური ვიზიტის ფარგლებში გიორგი დოხტურიშვილი, ზემო სილეზიის სავაჭრო პალატის ვიცე პრეზიდენტთან ვახტან ჯაყელთან ერთად ,,FASING SA Capital Group“-ის დამფუძნებელსა და პრეზიდენტს ჟისლავ ბიკს შეხვდა.

შეხვედრის ფარგლებში მიღებული იქნა გადაწყვეტილება, რომლის მიხედვითაც ,,FASING SA Capital Group“, ცენტრალურ ევროპაში უდიდესი და მსოფლიოში ერთ-ერთი უმსხვილესი კომპანია, რომელიც მსოფლიო ბაზრის ყველა ძირითად სეგმენტზე მუშაობს, ქვემო ქართლში ინვესტიციას განახორციელებს და რეგიონში ქარხნის მშენებლობას დაიწყებს.

ინვესტიცია მნიშვნელოვნად შეუწყობს ხელს ქვეყნისა და რეგიონის ეკონომიკის განვითარებას და დასაქმების მსურველ ადგილობრივ მოსხლეობას 100-მდე სამუშაო ადგილს შესთავაზებს.

ქართულ დელეგაციას, რომელსაც ქვემო ქართლში სახელმწიფო რწმუნებული გიორგი დუხტურიშვილი ხელმძღვანელობს, სახელმწიფო რწმუნებულის მოადგილეები: გიორგი შინჯიკაშვილი და ილია ჯალაღანია წარმოადგენენ.