ქვემო ქართლში სახელმწიფო რწმუნებულის მოადგილე, კახა კობერიძე და მარნეულის მუნიციპალიტეტის მერის პირველი მოადგილე, როინ დეკანოიძე მარნეულის მუნიციპალიტეტის კულტურის ცენტრში, ააიპ "დემოსის" ორგანიზებით, ქართული ტრადიციული სიმღერის კონკურს-ფესტივალის „სხვა საქართველო სად არის“ გახსნასა და პირველ შესარჩევ ტურს დაესწრნენ.

აღსანიშნავია, რომ ფესტივალი უკვე 6 წელია, ქვემო ქართლში სახელმწიფო რწმუნებულის ადმინისტრაციისა და მარნეულის მუნიციპალიტეტის მხარდაჭერით ტრადიციულად, ივნისის თვეში, მარნეულში იმართება.

კონკურს - ფესტივალის მიზანს წარმოადგენს ქართული ტრადიციული სასიმღერო კულტურის შესწავლა - პოპულარიზაცია როგორც ქართველ, ისე საქართველოში მცხოვრები ეთნიკური უმცირესობების წარმომადგენელ მოზარდებში. ასევე, ფესტივალი ემსახურება ქართული სიმღერის და კულტურის პოპულარიზაციას.