მარნეულის მუნიციპალიტეტის სოფელ თამარისში კლიმატის მიმართ მდგრადი სოფლის მეურნეობა - PRAISE Marneuli პროექტის გახსნის ღონისძიება და თემატური პრეზენტაცია გაიმართა.

ღონისძიებას გარემოს დაცვისა და სოფლის მეურნეობის მინისტრის მოადგილე, გიორგი ხანიშვილი, ქვემო ქართლში სახელმწიფო რწმუნებულის მოადგილე, კახა კობერიძე, მუნიციპალიტეტის ხელძღვანელი პირები, არასამთავრობო სექტორის წარმომადგენლები, ფერმერები და მიწვეული სტუმრები დაესწრნენ.

პროექტის მიზანს მარნეულის მუნიციპალიტეტში მოსახლეობის შემოსავლის შექმნის შესაძლებლობების გაზრდა, გარემოსადმი მეგობრული და კლიმატის მიმართ მდგრადი სოფლის მეურნეობის განვითარება, საუკეთესო პრაქტიკის დემონსტრირება, ბიზნესკავშირების შექმნა და დასაქმების ახალი შესაძლებლობების მხარდაჭერა წარმოადგენს.

შეხვედრის ფარგლები მხარეებმა საქმიანობისა და თანამშრომლობის ძირითად მიმართულებებზე იმსჯელეს. საუბარი შეეხო, სოფლის მეურნეობის დარგში, სათემო ინსტიტუტებისა და ადგილობრივი დაინტერესებული მხარეების გაძლიერების, სასწავლო ვიზიტების, ტრენინგებისა და პრაქტიკული სამუშაოების დანერვის აუცილებლობის საკითხებს.

აღსანიშნავია, რომ არასამთავრობო ორგანიზაცია CENN-მა, პროექტი კლიმატის მიმართ მდგრადი სოფლის მეურნეობა - PRAISE Marneuli, HEKS-EPER-ის მხარდაჭერით, 2021 წლის იანვრიდან დაიწყო.