ქვემო ქართლში სახელმწიფო რწმუნებულმა, შოთა რეხვიაშვილმა, ცენტრალური და ადგილობრივი ხელისუფლების წარმომადგენლებთან ერთად, მარნეულის მუნიციპალიტეტში, საახალწლო ღონისძიებების ფარგლებში, სხვადასხვა სფეროში მოღვაწე, დამსახურებული, ღვაწლმოსილი და წარმატებული საპატიო მოქალაქეები დააჯილდოვა.

მუნიციპალიტეტში ღონისძიებები ადგილობრივი შემოქმედებითი ჯგუფების მონაწილეობით მთელი დღის განმავლობაში მიმდინარეობდა, მოეწყო საახალწლო სოფლის კუთხე, გაიმართა ანიმატორების შოუ, დაჯილდოვდნენ, წარმატებული მარნეულელი სპორტსმენები.

სადღესასწაულო პროგრამა გალა კონცერტითა და გრანდიოზული ფოიერვერკით დასრულდა.