საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
14 თებერვალი 2018
14 თებერვალს ქვემო ქართლში სახელმწიფო რწმუნებულის-გუბერნატორის მოადგილე, კახა კობერიძე, ადმინისტრაციის თანამშრომლებთან ერთად, ტურისტული კომპანიების წარმომადგენლებს შეხვდა.
მხარეებმა სამუშაო ფორმატში განიხილეს რეგიონის ტურისტული პოტენციალი და სამომავლოდ, ერთობლივად განსახორციელებელი გეგმები დასახეს. საუბარი შეეხო სპეციალურად ქვემო ქართლის რეგიონისთვის ტურისტული მარშრუტების შემუშავებას.
კომპანიების წარმომადგენლებმა სამხარეო ადმინისტრაციაში გამართულ შეხვედრაზე სფეროში არსებული კონკრეტული საჭიროებების შესახებ ისაუბრეს. გუბერნატორის მოადგილე, კახა კობერიძე სტუმრებს კომპეტენციის ფარგლებში დახმარებას დაპირდა.
აღსანიშნავია, რომ გუბერნატორის ადმინისტრაციის ინიციატივით, უახლოეს პერიოდში, საკითხზე მსჯელობა, ფორუმის ფორმატში გაგრძელდება.