გიორგი დოხტურიშვილი UEFA II კატეგორიის ცენტრალური სტადიონის მშენებლობის პროცესს გაეცნო.

ქალაქ მარნეულში 2000 მაყურებელზე გათვლილი საფეხბურთო სტადიონის მშენებლობა მარტის ბოლოს დასრულდება.

ინფრასტრუქტურული პროექტის ფარგლებში: სტადიონი დააკმაყოფილებს UEFA II კატეგორიის მოთხოვნებს და საქართველოში მოქმედ სტანდარტებს; მიმდებარე ტერიტორიაზე მოეწყობა რეკრეაციული ზონა და პარკინგი; სტადიონი სრულად იქნება ადაპტირებული შეზღუდული შესაძლებლობის მქონე პირთათვის; სტადიონის კომპლექსში მოეწყობა გასახდელები და სველი წერტილები; დამონტაჟდება ძირითადი სტადიონის განათების, გახმოვანების და სახანძრო სისტემები; მოეწყობა სპეციალური სივრცეები ტელერეპორტაჟებისათვის.

პროექტს საქარველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი საქართველოს მთავრობის დაფინანსებით ახორციელებს, მისი ღირებულება 8 144 360 ლარია.

სახელმწიფო რწმუნებულთან ერთად ინფრასტრუქტურული პროექტის მიმდინარეობის პროცესი მისმა მოადგილემ, ილია ჯალაღანიამ, მარნეულისა და გარდაბნის მაჟორიტარ-დეპუტატმა პარლამენტში, ზაურ დარგალმა, მარნეულის საკრებულოს თავმჯდომარემ, ამირან გიორგაძემ და საქართველოს მუნიციპალური განვითარების ფონდის აღმასრულებელი დირექტორის პირველმა მოადგილემ, გიორგი ციბაძემ მოინახულეს.