ქვემო ქართლში სახელმწიფო რწმუნებულის მოადგილე, კახა კობერიძე და ქალაქის მერი, ირაკლი ტაბაღუა, რუსთავში კომედიის საერთაშორისო თეატრალური ფესტივალის დასკვნით ღონისძიებას დაესწრნენ.

საფესტივალო ჩვენებებს ქალაქმა 13-დან 18 ოქტომბრის ჩათვლით უმასპინძლა. პანდემიიდან გამომდინარე, დასებმა სპექტაკლები თეატრის ეზოში, ღია ცის ქვეშ, ყველა რეგულაციის გათვალისწინებით წარმოადგინეს. რიგით მე-7 ფესტივალი ტრაციდიულად, მარჯანიშვილის თეატრმა გახსნა.

ფესტივალი განათლების, მეცნიერების, კულტურისა და სპორტის სამინისტროს პატრონაჟითა და რუსთავის მერიის მხარდაჭერით გაიმართა.

6 დღის განმავლობაში მაყურებელს შესაძლებლობა ქონდა, ერთ სივრცეში, სხვადასხვა თეატრების, კომედიური ჟანრის, სპექტაკლებს გაცნობოდნენ.

კომედიის საერთაშორისო თეატრალური ფესტივალი 2014 წელს რეჟისორმა სოსო ნემსაძემ დააფუძნა. დაარსებიდან ამ დრომდე ფესტივალში მონაწილეობა საქართველოს თითქმის ყველა დასმა მიიღო.
#ქვემოქართლი2020