სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

12 წელი აგვისტოს ომიდან

08 აგვისტო 2020


ქვემო ქართლში სახელმწიფო რწმუნებულმა, შოთა რეხვიაშვილმა, რუსთავის მერმა ირაკლი ტაბაღუამ, საკრებულოს თავმჯდომარე, ლევან ონიანმა და ადგილობრივი თვითმმართველობის სხვა ხელმძღვანელმა პირებმა, ქვეყნის ტერიტორიული მთლიანობისთვის დაღუპულ გმირთა მემორიალი ყვავილებით შეამკეს და პატივს მიაგეს მათ ხსოვნას.

ადგილზე აღევლინა გარდაცვლილთა სულის მოსახსენიებელი პარაკლისი. ფილკლორული ანსამბლი ,,ფიროსმანი’’-ს მიერ შესრულდა პატრიოტულ თემაზე შექმნილი მუსიკალური ნომრები.

ცენტრალური და ადგილობრივი ხელისუფლების წარმომადგენლები, ქალაქის სასაფლაოზე, გარდაცვლილთა ოჯახის წევრებთან ერთად იმყოფებოდნენ, სადაც აგვისტოს ომში დაღუპული რუსთაველი სამხედროების გიორგი ჯავახიშვილის, კახაბერ თავგორაშვილის და ლევან იოსებიძის საფლავები ყვავილებით შეამკეს. ვახტანგ გზირიშვილის ხსოვნას კი პატივი თბილისში მიაგეს და ვახტანგ გორგასლის სახელობის ტაძრის მიმდებარედ, მისივე სახელობის ქუჩის გახსნის ღონისძიებას დაესწრნენ.

2008 წლის რუსეთ-საქართველოს ომში დაღუპული რუსთაველი სამხედროები - ვახტანგ გზირიშვილი, ლევან იოსებიძე და გიორგი ჯავახიშვილი IV ქვეითი ბრიგადის 42-ე ბატალიონში იბრძოდნენ, ხოლო კახაბერ თავგორაშვილი გულუას სახელობის სპეცდანიშნულების რაზმში მსახურობდა. გარდაცვალების შემდეგ, ოთხივე ვახტანგ გორგასლის სახელობის ორდენითაა დაჯილდოებული.

დაღუპულთა ხსოვნის პატივსაცემად, სახელმწიფო დროშა დაშვებულია ქვემო ქართლში სახელმწიფო რწმუნებულის ადმინისტრაციისა და მუნიციპალიტეტებში, საჯარო დაწესებულებების შენობებზე.


  • 12 წელი აგვისტოს ომიდან
  • 12 წელი აგვისტოს ომიდან
  • 12 წელი აგვისტოს ომიდან
  • 12 წელი აგვისტოს ომიდან
  • 12 წელი აგვისტოს ომიდან
  • 12 წელი აგვისტოს ომიდან
  • 12 წელი აგვისტოს ომიდან
  • 12 წელი აგვისტოს ომიდან
  • 12 წელი აგვისტოს ომიდან
  • 12 წელი აგვისტოს ომიდან