რუსთავში, კორონავირუსის გავრცელების პრევენციისა და მოქალაქეთა უსაფრთხოების მიზნით, სხვადასხვა ლოკაციაზე სადეზინფექციო სამუშაოები ჩატარდება.

სპეციალური ხსნარებით დამუშავდა ქალაქში არსებული ყველა ხალხმრავალი ადგილი, მათ შორის ეკლესიების, საავადმყოფოების, პოლიციის მიმდებარე ტერიტორიები, სუპერმარკეტები და ტროტუარები.

ადგილზე პროცესის მიმდინარეობას ქვემო ქართლში სახელმწიფო რწმუნებული შოთა რეხვიაშვილი და ქალაქის მერი ირაკლი ტაბაღუა გაეცნენ. სადეზინფექციო სამუშაოები ქალაქში შინაგან საქმეთა სამინისტროს საგანგებო სიტუაციების მართვის სამსახურმა და რუსთავის სერვის ცენტრმა განახორციელა.