ქვემო ქართლში სახელმწიფო რწმუნებული, შოთა რეხვიაშვილი და გარემოს დაცვისა და სოფლის მეურნეობის მინისტრის მოადგილე, სოლომონ პავლიაშვილი, ადგილობრივი მუნიციპალიტეტების მერებსა და ზედამხედველობის სამსახურის წარმომადგენლებს შეხვდნენ.

სამუშაო შეხვედრაზე ცენტრალური და ადგილობრივი ხელისუფლების წარმომადგენლებმა პლასტიკისა და ბიოდეგრადირებადი პარკების რეგულირების წესის აღსრულების კონტროლის მექანიზმებზე იმსჯელეს.

საუბარი შეეხო აღნიშნული მიმართულებით განსახორციელებელ კონკრეტულ ღონისძიებებს და მთავრობის დადგენილებით რეგულირებული წესის აღსრულების პროცესში, თვითმმართველობის ორგანოების შესაძლებლობების გაძლიერებას.