სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

შეხვედრა გარემოზე მავნე ზემოქმედების კონტროლისა და სანქციების გამკაცრების შესახებ

05 დეკემბერი 2019


ახალი რეგულაციები გარემოზე მავნე ზემოქმედების კუთხით კონტროლს და სანქციებს გაამკაცრებს - ქალაქ რუსთავში ჰაერის დაბინძურების საკითხის გადაჭრის გზებზე გარემოს დაცვისა და სოფლის მეურნეობის სამინისტროში გამართულ შეხვედრაზე იმსჯელეს.

შეხვედრას გარემოს დაცვისა და სოფლის მეურნეობის მინისტრის მოადგილე, იური ნოზაძე, ქვემო ქართლში სახელმწიფო რწმუნებული, შოთა რეხვიაშვილი, რუსთავის მერი ირაკლი ტაბაღუა და სამინისტროს შესაბამისი უწყებების ხელმძღვანელები ესწრებოდნენ.

შეხვედრაზე ხაზგასმით აღინიშნა, რომ ქვეყანაში წარმოების განვითარება პრიორიტეტულია, თუმცა თითოეული მეწარმე ვალდებულია უზრუნველყოს გარემოსდაცვითი რეგულაციების დაცვა. სამეწარმეო საქმიანობა არ უნდა აყენებდეს ზიანს გარემოს და მოსახლეობის ჯანმრთელობას. სამინისტრო აქტიურად თანამშრომლობს გარემოსდაცვითი საკითხებით დაინტერესებულ ორგანიზაციებთან, რაც მნიშვნელოვანია არსებული პრობლემური საკითხების გადაჭრის გზების განსაზღვრისთვის.

აღსანიშნავია, რომ ქალაქ რუსთავში არსებული ვითარების გათვალისწინებით, გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტმა ქალაქ რუსთავში მოქმედ საწარმოებში მასშტაბური შემოწმებები განახორციელა. აღმოჩენილი დარღვევების შესახებ შეხვედრაზე თვითმართველობის წარმომადგენლებს დეტალური ინფორმაცია მიეწოდათ.

შეხვედრაზე იმ საკანონმდებლო ცვლილებებზე იმსჯელეს, რომელსაც გარემოსდაცვითი ზედამხედველობის დეპარტამენტი ამზადებს. ახალი რეგულაციები გარემოზე მავნე ზემოქმედების კუთხით კონტროლს და სანქციებს გაამკაცრებს.


  • შეხვედრა გარემოზე მავნე ზემოქმედების კონტროლისა და სანქციების გამკაცრების შესახებ
  • შეხვედრა გარემოზე მავნე ზემოქმედების კონტროლისა და სანქციების გამკაცრების შესახებ
  • შეხვედრა გარემოზე მავნე ზემოქმედების კონტროლისა და სანქციების გამკაცრების შესახებ