ქვემო ქართლში სახელმწიფო რწმუნებული, შოთა რეხვიაშვილი მოადგილეებთან და რუსთავის თვითმმართველობის ხელმძღვანელ პირებთან ერთად, წითელი ჯვრის საზოგადოების გენერალურ მდივანს, ნინო ოსეფაიშვილს, კატასტროფების მართვის ხელმძღვანელს კახა მამულაძეს და თურქეთის წითელი ნახევარმთვარის ორგანიზაციის წარმომადგენელს შეხვდა.

სამუშაო შეხვედრაზე მხარეებმა ურთიერთთანამშრომლობის სამომავლო პერსპექტივები განიხილეს, რომლის ფარლებში, ქალაქში, წითელი ჯვრის რეგიონული საწყობის მშენებლობა იგეგმება, სადაც კატასტროფების მართვისთვის სასწავლო ტრენინგ-ცენტრი ამოქმედდება. 

რეგიონის ხელმძღვანელ პირებს, წითელი ჯვრის საზოგადოების წარმომადგენლებმა, პროექტის შესახებ პრეზენტაცია გააცნეს და სახელმწიფო რწმუნებულისგან, კონკრეტული რეკომენდაციები მოისმინეს.