14 ივლისს, ქვემო ქართლში სახელმწიფო რწმუნებულის-გუბერნატორის მოადგილე, კახა კობერიძე და რუსთავის მერი, ირაკლი ტაბაღუა, საზაფხულო სკოლის მონაწილე ახალგაზრდებს შეხვდნენ და მათი  საქმიანობის შესახებ, დიალოგის რეჟიმში, ისაუბრეს.

რუსთავში, საზაფხულო სკოლა 13 ივლისს გაიხსნა. 3 დღიანი პროგრამის ფარგლებში, კულტურისა და დასვენების პარკში, შემეცნებითი და გასართობი აქტივობები მიმდინარეობს, ეწყობა შეხვედრები სხვადასხვა პროფესიის რუსთაველებთან. 
ღონისძიება 15 ივლისს,  ჯგუფ ''Uprising''-ის კონცერტით დასრულდება.

აღსანიშნავია, რომ საზაფხულო სკოლა ,,რუსთავის სახელოვნებო, სპორტისა და ახალგაზრდობის განვითარების ცენტრის’’ ორგანიზებითა და ქალაქის მერიის მხარდაჭერით მოეწყო.