სახელმწიფო რწმუნებულის - გუბერნატორის ადმინისტრაცია

ბოლნისის, გარდაბნის, დმანისის, თეთრიწყაროს, მარნეულის, წალკისა და ქალაქ რუსთავის მუნიციპალიტეტებში

გერბი

Administration of State Representative - Governor

Bolnisi, Gardabani, Dmanisi, Tetritskaro, Marneuli, Tsalka and Rustavi municipalities

სამუშაო შეხვედრა „ლაიონს კლუბების

07 ივნისი 2018


7 ივნისს, ქვემო ქართლში სახელმწიფო რწმუნებულის-გუბერნატორის, მოადგილემ, კახა კობერიძემ, აღმოსავლეთ ევროპის ქვეყნების „ლაიონს კლუბების" ევროპული სექტორის წარმომადგენლებს უმასპინძლა და ორგანიზაციის სამომავლო გეგმების შესახებ ინფორმაცია, უშუალოდ, მათგან მოისმინა. შეხვედრას, რუსთავის მუნიციპალიტეტის მერიის მოადგილე გოჩა ლორია და საკრებულოს თავმჯდომარის მოადგილეები დავით რეხვიაშვილი და ნინო ქავთარაძე, ქვემო ქართლის პენსიონერთა კავშირის წევრები და არასამთავრობო ორგანიზაციის ადგილობრივი კოორდინატორები ესწრებოდნენ.

სამხარეო ადმინისტრაციაში სტუმრობისას, საქმიანობის შესახებ თემატური პრეზენტაცია წარმოადგინეს აღმოსავლეთ ევროპის ქვეყნების „ლაიონს კლუბები“_ს კოორდინატორმა საქართველოში, იორნ ანდრესენმა, ჩრდილოეთ ქვეყნების „ლაიონს კლუბები“_ს საერთაშორისო დირექტორმა ბენტიე სპენსერმა, თბილისის „ლაიონს კლუბების“ პრეზიდენტმა ნინო ბესელიამ, საქართველოს რეგიონის კოორდინატორმა თამარ გეგენავამ და „ლაიონსების თვალის კლინიკის“დამფუძნებელმა დირექტორმა, საქართველოს სამედიცინო უნივერსიტეტის პროფესორმა ნინო კარანაძემ. 

აღსანიშნავია, რომ ლაიონსების ორგანიზაცია, საქმიანობის 100-ზე მეტ წელს ითვლის და არასამთავრობო სექტორის ერთადერთი წარმომადგენელია, რომელიც დღიდან დაარსებისა, გაერთიანებული ერების ორგანიზაციის წევრია.

„ლაიონსები“ საკუთარ რიგებში მსოფლიოს ყველა კონტინენტის მილიონობით წარმომადგენელს აერთიანებს და საქველმოქმედო და ჰუმანიტარულ საქმიანობას საგანმანათლებლო და სამედიცინო მიმართულებით ახორციელებს.

დღესვე, საქართველოს პენსიონერთა კავშირის ქვემო ქართლის ორგანიზაციის ხელმძღვანელის, დავით ძამუკაშვილის ინიციატივით, საფუძველი ჩაეყარა „ქვემო ქართლის ხანდაზმულთა ლაიონსების კლუბს“. 

აღსანიშნავია, რომ „ლაიონს-კლუბი“ რუსთავში 2015 წლიდან აქტიურად ფუნქციონირებს და მას პედაგოგი, ლია ღუღუნიშვილი ხელმძღვანელობს.


  • სამუშაო შეხვედრა „ლაიონს კლუბების
  • სამუშაო შეხვედრა „ლაიონს კლუბების
  • სამუშაო შეხვედრა „ლაიონს კლუბების
  • სამუშაო შეხვედრა „ლაიონს კლუბების
  • სამუშაო შეხვედრა „ლაიონს კლუბების
  • სამუშაო შეხვედრა „ლაიონს კლუბების
  • სამუშაო შეხვედრა „ლაიონს კლუბების
  • სამუშაო შეხვედრა „ლაიონს კლუბების