1 თებერვალს, რუსთავის ისტორიული მუზეუმის საგამოფენო სივრცეში, ახალგაზრდა მხატვრის, გიორგი ჩაჩანიძის ნამუშევართა პერსონალური გამოფენა ,,ტეტრისი’’ გაიხსნა.

ღონისძიების ფარგლებში რუსთაველმა მხატვარმა დამთვალიერებლის წინაშე 25-მდე ნამუშევარი წარმოადგინა.

გამოფენის გახსნას ქვემო ქართლში სახელმწიფო რწმუნებულის-გუბერნატორის მოადგილე კახა კობერიძე და რუსთავის მერი ირაკლი ტაბაღუა ადგილობრივი ხელისუფლების სხვა წარმომადგენლებთან ერთად დაესწრნენ.

გამოფენა რუსთავის მუნიციპალიტეტის მერიის ,,სახელოვნებო გაერთიანებათა ცენტრის’’ და მხატვართა გაერთიანება ,,გამას’’ ორგანიზებით მოეწყო. ახალგაზრდა მხატვრის ნამუშევრების გაცნობას დამთვალიერებელი ორი დღის განმავლობაში შეძლებს.