ქვემო ქართლის რეგიონში სახელმწიფო პროგრამების შესახებ საინფორმაციო შეხვედრები გრძელდება. სამხარეო ადმინისტრაციისა და გარემოს დაცვისა და სოფლის მეურნეობის სამინისტროს  წარმომადგენლები ამჯერად თეთრიწყაროს მუნიციპალიტეტში მცხოვრებ ფერმერებსა და თემით დაინტერესებულ მოქალაქეებს შეხვდნენ.

დიალოგის რეჟიმში მიმდინარე შეხვედრის ფარგლებში, მხარეებმა სოფლის მეურნეობის განვითარების მიზნით მიმდინარე სახელმწიფო პროგრამების შესახებ ისაუბრეს და პრიორიტეტული მიმართულებით დაგეგმილი სიახლეები განიხილეს.

აღსანიშნავია, რომ ქვემო ქართლში სახელმწიფო რწმუნებულის ადმინისტრაციის ინიციატივით მიმდინარე   საინფორმაციო შეხვედრები, ეტაპობრივად, რეგიონის ყველა მუნიციპალიტეტში ჩატარდება.