ქვემო ქართლში სახელმწიფო რწმუნებულმა, შოთა რეხვიაშვილმა, საქართველოს პარლამენტში თეთრიწყაროს მაჟორიტარმა დეპუტატმა, გოდერძი ჩანქსელიანმა და მუნიციპალიტეტის მერმა, გიორგი ქორიძემ, ღია დიალოგის ფარგლებში, შეხვედრები გამართეს სოფელ ჯორჯიაშვილის, ბოგვის, საღრაშენისა და არდისუბნის მოსახლეობასთან.

შეხვედრის მიმდინარეობისას, ხელისუფლების წარმომადგენლებმა და ადგილობრივებმა, პრიორიტეტების მიხედვით, განიხილეს სოფლებში განსახორციელებელი პროექტები.

აღნიშნულ დასახლებებში, ძირითადი საჭიროება წყალმომარაგებით უზრუნველყოფაა. პრობლემის აღმოსაფხვრელად მუნიციპალიტეტმა უკვე დაასრულდა  სათავე, საფილტრი და საქლორატორო ნაგებობების, წყალმშემკრები რეზერვუარის, შიდა ქსელის და გამრიცხველიანების პროექტირება. შესაბამისი სამუშაოების განხორციელება  2020 წლის სამოქმედო გეგმაშია გათვალისწინებული.

სოფელ არდისუბნის მცხოვრებლების ინტერესების გათვალისწინებით განხორციელდება სამედიცინო ამბულატორიის მშენებლობა. ხელისუფლების წარმომადგენლების ჩართულობით ადგილზევე მოგვარდა მოსახლეობის საშეშე მერქნით უზრუნველყოფის საკითხი.