ქვემო ქართლში სახელმწიფო რწმუნებულის მოადგილე კახა კობერიძე, პარლამენტში დმანისის მაჟორიტარი დეპუტატი, კახაბერ ოქრიაშვილი და მუნიციპალიტეტის მერი, გიორგი ტატუაშვილი, სოფელ კამარლოს, შახმარლოს, ქარიანისა და საგუთლოს მცხოვრებლებს შეხვდნენ.

ხელისუფლების წარმომადგენლებმა, ღია შეხვედრების ფარგლებში,  მოსახლეობას დეტალური ინფორმაცია მიაწოდეს მუნიციპალიტეტში მიმდინარე ინფრასტრუქტურულ პროექტებზე, რომლებიც სოფლებში საავტომობილო გზების,  სასმელი და სარწყავი წყლის სისტემების, საგანმანათლებლო და სამედიცინო დაწესებულებების მოწყობას, მშენებლობასა და რეაბილიტაციას ითვალისწინებს.

მოსახლეობის ინტერესების მაქსიმალური გათვალისწინებით დაიგეგმა 2020 წლის ბიუჯეტის პრიორიტეტული მიმართულებები.