ქვემო ქართლში სახელმწიფო რწმუნებულის ადმინისტრაციაში საკონსულტაციო საბჭოს მორიგი სხდომა გაიმართა, რომელსაც ტრადიციულად მხარეში სახელმწიფო რწმუნებული შოთა რეხვიაშვილი უძღვებოდა.

საბჭოს სხდომას, სახელმწიფო რწმუნებულის მოადგილეები, ადგილობრივი თვითმმართველობების ხელმძღვანელი პირები და სამინისტროების რეგიონული სამსახურების წარმომადგენლები დასწრნენ.

საუბარი შეეხო, რეგიონში სასმელი და სარწყავი წყლის სისტემების მიმართულებით არსებულ გამოწვევებს, ზამთრის სეზონისთვის მაღალმთიანი სოფლების მცხოვრებლების საშეშე მექნით უზრუნველყოფისა და სოციალური მომსახურების სფეროში არსებულ საჭიროებებს. სახელმწიფო უწყებების წარმომადგენლებთან ერთად, დაისახა ერთობლივად განსახორციელებელი ღონისძიებები.

შოთა რეხვიაშვილმა საბჭოს წევრებთან ერთად, რეგიონის განვითარების 2020-22 წლების სამოქმედო გეგმისა და პრიორიტეტების შესახებ, ასევე 2019 წელს შესრულებულ სამუშაოებზე იმსჯელა.