სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

გერმანიის ელჩი ბოლნისში

08 ივლისი 2019


ქვემო ქართლში სახელმწიფო რწმუნებულმა, შოთა რეხვიაშვილმა, საქართველოს პარლამენტში ბოლნისის მაჟორიტარმა დეპუტატმა, გოგი მეშველიანმა და მუნიციპალიტეტის მერმა, დავით შერაზადიშვილმა ქალაქში გერმანიის ელჩს, ჰუბერტ ქნირშს და პარლამენტში ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარეს, სოფო კილაძეს უმასპინძლეს.

სტუმრებმა ბოლნისში, ევანგელისტურ-ლუთერანული სამრევლო სახლი დაათვალიერეს და მრევლის უხუცეს წევრებს, რომლებმაც შვაბური დიალექტი შემოინახეს, ეთნიკური და რელიგიური უმცირესობების საკითხების შესახებ ესაუბრნენ.

ცენტრალური და ადგილობრივი ხელისუფლების წარმომადგენლებმა, გერმანიის ელჩთან ერთად, ქალაქ ბოლნისში, მოინახულეს ისტორიული შენობა-ნაგებობა, რომელსაც რეაბილიტაცია ქართულ-გერმანული მხარის ფინანსური მხარდაჭერით უტარდება. პროექტის დასრულების შემდეგ, ადგილზე მუნიციპალიტეტის მულტიკულტურული ცენტრი გაიხსნება.

ვიზიტის ფარგლებში სტუმრებმა დღესვე, ეროვნული მუზეუმის დირექტორთან, დავით ლორთქიფანიძესთან ერთად, ბოლნისის ახალი მუზეუმი დაათვალიერეს, სადაც უახლოეს პერიოდში არაერთი საინტერესო და უნიკალური ექსპონატი განთავსდება.

 


  • გერმანიის ელჩი ბოლნისში
  • გერმანიის ელჩი ბოლნისში
  • გერმანიის ელჩი ბოლნისში
  • გერმანიის ელჩი ბოლნისში
  • გერმანიის ელჩი ბოლნისში
  • გერმანიის ელჩი ბოლნისში
  • გერმანიის ელჩი ბოლნისში
  • გერმანიის ელჩი ბოლნისში
  • გერმანიის ელჩი ბოლნისში