სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

„ვაჟაობა 2019“ სოფელ დიდ თონეთში მასშტაბური ღონისძიებით აღინიშნა

29 ივნისი 2019


თეთრიწყაროს მუნიციპალიტეტში, წელს პირველად, „ვაჟაობა 2019“ საზეიმოდ აღინიშნა. სოფელ დიდ თონეთში გამართულ მასშტაბურ ღონისძიებას, ქვემო ქართლში სახელმწიფო რწმუნებული შოთა რეხვიაშვილი, საქართველოს პარლამენტში მუნიციპალიტეტის მაჟორიტარი დეპუტატი, გოდერძი ჩანქსელიანი, თეთრიწყაროს მერი გიორგი ქორიძე, რეგიონისა და ადგილობრივი ხელისუფლების წარმომადგენლებთან, ვაჟა-ფშაველას ოჯახისწევრებთან და მისი შემოქმედების თაყვანისმცემლებთან ერთად დაესწრნენ. ღონისძიებაზე აგრეთვე იმყოფებოდნენ კულტურული მემკვიდრეობის დაცვის სააგენტოს, ფოლკლორის სახელმწიფო ცენტრის, საქართველოს ეროვნული ბიბლიოთეკის და სამეცნიერო წრეების წარმომადგენლები და ფოლკლორისტები.

„ვაჟაობა 2019“-ის ფარგლებში, რეგიონისა და მუნიციპალიტეტის ხელმძღვანელმა პირებმა ოფიციალურად გახსნეს ვაჟა-ფშაველას სახელობის ბიბლიოთეკა, დაათვალიერეს, სოფელ დიდი თონეთის საჯარო სკოლის ფოიეში წარმოდგენილი თემატური ექსპონატები და ღონისძიების ორგანიზატორებსა და მონაწილეებს მნიშვნელოვანი წამოწყებისთვის განსაკუთრებული მადლობა გადაუხადეს. 

ღონისძიება სადღესასწაულო კონცერტით გაგრძელდა, რომელშიც მონაწილეობა, ადგილობრივმა ქორეოგრაფიულმა და ფოლკლორულმა ანსამბლებმა და ჯგუფმა „რეგიონმა“ მიიღეს. 

აღსანიშნავია, რომ წელს, „ვაჟაობა 2019“-ის აღნიშვნის ტრადიციას საფუძველი, სოფელ დიდ თონეთში, 1886-1888 წლებში, დიდი ქართველი მწერლის, პოეტის და მოაზროვნის, ვაჟა-ფშაველას პედაგოგიურ მოღვაწეობასთან დაკავშირებით ჩაეყარა.


  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა
  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა
  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა
  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა
  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა
  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა
  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა
  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა
  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა
  • „ვაჟაობა 2019“ სოფელ დიდ თონეთში მასშტაბური ღონისძიებით აღინიშნა