9 მაისს, ქვემო ქართლში სახელმწიფო რწმუნებულის მოადგილეებმა და ადმინისტრაციის სამსახურების უფროსებმა, ფაშიზმზე გამარჯვების 74-ე წლისთავთან დაკავშირებით, მუნიციპალიტეტების მასშტაბით მიმდინარე ღონისძიებებში მიიღეს მონაწილეობა. 

დღის განმავლობაში, მხარისა და თვითმმართველობების ხელმძღვანელმა პირებმა, გვირგვინით შეამკეს გმირთა მემორიალები, პატივი მიაგეს გარდაცვლილთა ხსოვნას და დღევანდელი დღე პირადად მიულოცეს ომის მონაწილეებსა და მათთან გათანაბრებულ პირებს. 

აღსანიშნავია, რომ საქართველოს პრემიერ-მინისტრ მამუკა ბახტაძის გადაწყვეტილებით, საქართველოს მასშტაბით რეგისტრირებული მეორე მსოფლიო ომის 300 ვეტერანი ერთჯერადად 600 ლარს, ხოლო ომში დაღუპლთა ოჯახის 209 წევრი 300 ლარს მიიღებს.

ომის ვეტერანებსა და მათთან გათანაბრებულ პირებს თანხა ადგილობრივმა თვითმმართველობებმაც გადაცეს.