7 იანვარს, ქვემო ქართლში სახელმწიფო რწმუნებულის მოადგილე კახა კობერიძემ, რუსთავის მერმა ირაკლი ტაბაღუამ და საკრებულოს თავმჯდომარის მოადგილე დავით რეხვიაშვილმა ქალაქის ცენტრალურ სამშობიარო სახლსა და კლინიკა ,,რუსთავში”, შობას დაბადებული პირველი ახალშობილები მოინახულეს და სადღესასწაულო საჩუქრები გადაცეს.

მხარისა და ქალაქის ხელმძღვანელმა პირებმა ტრადიციულ საშობაო ალილოშიც მიიღეს მონაწილეობა, რომელიც რუსთავის ყოვლადწმინდა ღვთისმშობლის მიძინების სახელობის ტაძრის ეზოდან დაიწყო და მიმდებარე საცხოვრებელი კორპუსების ეზოებში გაგრძელდა. 
ალილოს მონაწილეებს წინ რუსთავის სიონის წინამძღვარი - მამა დიმიტრი, მგალობლები და სტიქაროსნები მიუძღოდნენ.