ქვემო ქართლში სახელმწიფო რწმუნებულის-გუბერნატორის მოადგილეებმა, ზვიად ჭუნაშვილმა, კახა კობერიძემ და ზაურ დარგალმა, ცენტრალური და ადგილობრივი ხელისუფლების წარმომადგენლებთან ერთად, ,,გარდაბნობა 2018’’-ის ფარგლებში, საპატიო მოქალაქეები და მუნიციპალიტეტის წარჩინებული მოსწავლეები დაჯილდოეს. 

საპატიო მოქალაქის წოდება 6-მა გარდაბნელმა მიიღო, მაღალი აკადემიური მოსწრებისთვის კი სპეციალური სიგელები და საჩუქრები 23 მოსწავლეს გადაეცა. 

ღონისძიება გარდაბნის მუნიციპალიტეტის მერიის განათლების, კულტურის, სპორტის და ახალგაზრდულ საქმეთა სამსახურის ორგანიზებით გაიმართა.