რუსთავქალაქობა 2018-ის კვირეულის ფარგლებში, მეგობრობის ქუჩაზე ვაჟა-ფშაველას ბიუსტი საზეიმოდ გაიხსნა. 

ღონისძიებას ქვემო ქართლის გუბერნატორი შოთა რეხვიაშვილი, გუბერნატორის მოადგილე, კახა კობერიძე, რუსთავის მერი, ირაკლი ტაბაღუა, საკრებულოს თავმჯდომარე, ლევან ონიანი, ქართველი კლასიკოსის შთამომავალი, ვაჟა- ფშაველას ძმის შვილთაშვილი ლელა რაზიკაშვილი და სხვადასხვა სფეროსა და თაობის წარმომადგენელი რუსთაველები დაესწრნენ.

ვაჟა-ფშაველას ბიუსტის ავტორს, საქართველოს დამსახურებულ მხატვარს, რუსთაველ მოქანდაკეს, გიორგი ჩალაძეს, მინიჭებული აქვს ღირსების ორდენი. იგი რუსთავის მხატვართა გაერთიანების დამაარსებელი და ხელმძღვანელია.