ქვემო ქართლში სახელმწიფო რწმუნებულმა-გუბერნატორმა, მარნეულში მცხოვრებ ახალგაზრდებს ახალი სასწავლო წლის დაწყება მიულოცა. 

შოთა რეხვიაშვილი, გუბერნატორის მოადგილე, ზაურ დარგალი, პარლამენტში მარნეულის მაჟორიტარი დეპუტატი, რუსლან გაჯიევი, მუნიციპალიტეტის მერის მოვალეობის შემსრულებელი, ზაურ ტაბატაძე და საკრებულოს თავმჯდომარე, ამირან გიორგაძე, ადგილობრივი ხელისუფლების წარმომადგენლებთან ერთად, პირადად იმყოფებოდნენ სოფელ წერეთელის, მირზოევკის, კაჩაგანის და ქალაქ მარნეულის №2 საჯარო სკოლებში, სადაც სხვადასხვა ეთნიკური წარმომავლობის მოსწავლეები განათლებას ერთ სივრცეში იღებენ. 

ქვემო ქართლის გუბერნატორმა, პედაგოგებს წლების განმავლობაში გაწეული შრომისა და ნაყოფიერი საქმიანობისთვის მადლობა გადაუხადა, მოსწავლეებს კი წარმატებული სასწავლო წელი უსურვა. 

აღსანიშნავია, რომ სოფელ მირზოევკის სკოლაში გამართულ ღონისძიებას სომხეთის რესპუბლიკის საგანგებო და სრულუფლებიანი ელჩი საქართველოში რუბენ სადოიანი ესწრებოდა.