ქვემო ქართლის გუბერნატორმა, გრიგოლ ნემსაძემ და რუსთავის მერმა, ირაკლი ტაბაღუამ, საქართველოს სახელმწიფოებრივი დამოუკიდებლობის აღდგენისა და სამშობლოსთვის დაღუპულთა ხსოვნის დღესთან დაკავშირებით,  რუსთავში 9 აპრილის მემორიალი გვირგვინებით შეამკეს.  

გუბერნატორმა, ადგილობრივი თვითმმართველობის წარმომადგენლებთან ერთად, კიდევ ერთხელ გაიხსენა სამშობლოს ერთიანობისთვის დაღუპული გმირები და თემატურ გამოფენას გაეცნო.

,,დღეს რუსთავში, გვირგვინით შევამკეთ 9 აპრილის მემორიალი და კიდევ ერთხელ, მივაგეთ პატივი, მშვიდობიანი აქციის, დარბევის შედეგად დაღუპულთა ხსოვნას. ეს დღე  განსაკუთრებულად მნიშვნელოვანია ჩვენი ქვეყნის უახლესი ისტორიის მანძილზე, რადგან ამ ადამიანების თავგანწირვამ შემდგომში საქართველოს დამოუკიდებლობა განაპირობა. ჩვენი მოქალაქეობრივი ვალია მათი თავდადების შედეგად მიღებული ღირებულებები განვამტკიცოთ და ქვეყანა უპირობოდ დავაყენოთ განვითარების, დემოკრატიისა და თავისუფლების გზაზე“-განაცხადა ქვემო ქართლის გუბერნატორმა.