სააღდგომო ღონისძიებების ფარგლებში, გრიგოლ ნემსაძემ, ბოლნისის მუნიციპალიტეტის სათნოების სახლის მცხოვრებლებიც მოინახულა და დამდეგი დღესასწაული წინასწარ მიულოცა. 

გუბერნატორმა, ბოლნისის მუნიციპალიტეტის მერთან ერთად, ხანდაზმულებს სააღდგომო ნობათი გადასცა.
მოხუცთა სახლის ბენეფიციარებმა სტუმრებს მადლობა გადაუხადეს. გრიგოლ ნემსაძე მათ საჭიროების შემთხვევაში, კომპეტენციის ფარგლებში, დახმარებას დაპირდა. 

აღსანიშნავია, რომ ბოლნისის სათნოების სახლში 15 ბენეფიციარი ცხოვრობს, რომლებიც მთელი წლის განმავლობაში უზრუნველყოფილნი არიან ფართით, საკვებითა და უფასო მედიკამენტებით.