ქვემო ქართლში სახელმწიფო რწმუნებულმა-გუბერნატორმა, გარდაბნის მუნიციპალიტეტის სოფლებში, მარტყოფსა და ნორიოში, მდებარე, მცირე საოჯახო ტიპის ბავშვთა სახლების მცხოვრებლებს, დამდეგი აღდგომის ბრწყინვალე დღესასწაული მიულოცა.

გრიგოლ ნემსაძემ, გარდაბნის მუნიციპალიტეტის მერთან ერთად, ბავშვებს სადღესასწაულო საჩუქრები გადასცა და მათი პირადი სურვილებით დაინტერესდა.

ბავშვთა სახლების ხელმძღვანელებმა, რეგიონისა და ადგილობრივი თვითმმართველობის წარმომადგენლებს, დაწესებულებების განვითარების ხედვა და კონკრეტული საჭიროებები გააცნეს. გუბერნატორი მათ, კომპეტენციის ფარგლებში, დახმარებას დაპირდა.