31 იანვარს გარემოს დაცვისა და სოფლის მეურნეობის მინისტრი, ლევან დავითაშვილი და ქვემო ქართლში სახელმწიფო რწმუნებული-გუბერნატორი გრიგოლ ნემსაძე, კავკასიის ალიანსების პროგრამის მრჩეველთა კომიტეტის სხდომას დაესწრნენ.

შეხვედრის მონაწილეებმა მესაქონლეობის სექტორისთვის ბიოუსაფრთხოების პუნქტების არსებობის აუცილებლობასა და მნიშვნელობაზე ისაუბრეს.
კავკასიის ალიანსების პროგრამების მრჩეველთა კომიტეტის მე-9 შეხვედრაზე სპეციალისტებმა, საერთაშორისო და დონორი ორგანიზაციების, ასევე მეცხოველეობის სექტორის წარმომადგენლებმა გადასარეკი ტრასებისა და ბიოუსაფრთხოების პუნქტების მდგრადობის საკითხებზე იმსჯელეს.