სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

ლატვიელების მიერ განხორციელებული ინვესტიცია დმანისში

19 ივლისი 2017


19 ივლისს, ქვემო ქართლში სახელმწიფო რწმუნებული-გუბერნატორი გრიგოლ ნემსაძე, დმანისის მუნიციპალიტეტში მესაქონლეობის დარგში, ლატვიელების მიერ განხორციელებულ ინვესტიციას გაეცნო.

გუბერნატორთან ერთად ადგილზე იმყოფებოდნენ სოფლის მეურნეობის მინისტრის მოადგილე, იური ნოზაძე, ქვემო ქართლის რეგიონული განვითარების სააგენტოს ხელმძღვანელი, მიხეილ ღურწკაია, სურსათის ეროვნული სააგენტოსა და დმანისის მუნიციპალიტეტის ხელმძღვანელი პირები.

უცხოელმა ინვესტორებმა ქვემო ქართლის რეგიონული განვითარების სააგენტოსა და ადგილობრივი ხელისუფლების აქტიური მხარდაჭერით დმანისის ტერიტრიაზე, 500 ჰექტარ ფართობზე, მესაქონლეობის ფერმა მოაწყო და პროექტის განხორციელების პირველ ეტაპზე 350 სული სახორცე - ,,ყალმუხური“ ჯიშის მსხვილფეხა რქოსანი ჩამოიყვანა.

ადგილზე ათამდე ადგილობრივია დასაქმებული და როგორც ინვესტორი ამბობს, სამომავლოდ ინვესტიციის ზრდასთან ერთად დასაქმებულთა რიცხვიც გაიზრდება.

აღსანიშნავია, რომ საქართველოს მასშტაბით მსგავსი ტიპის მსხვილი ინვესტიცია მესაქონლეობის დარგში აქამდე არ განხორციელებულა. 


  • ლატვიელების მიერ განხორციელებული ინვესტიცია დმანისში
  • ლატვიელების მიერ განხორციელებული ინვესტიცია დმანისში
  • ლატვიელების მიერ განხორციელებული ინვესტიცია დმანისში
  • ლატვიელების მიერ განხორციელებული ინვესტიცია დმანისში