დაბა მანგლისში, საქართველოს რეგიონული განვითარებისა და ინფრასტრუქტურის სამინისტროს დაფინანსებით, საგანგებო სიტუაციების კოორდინაციისა და გადაუდებელი დახმარების ახალი შენობის მშენებლობა მიმდინარეობს.

პროექტის განხორციელების პროცესს საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი, მაია ცქიტიშვილი, ქვემო ქართლში სახელმწიფო რწმუნებული, შოთა რეხვიაშვილი, რწმუნებულის პირველი მოადგილე, ზვიად ჭუნაშვილი და ადგილობრივი ხელისუფლების წარმომადგენლები პირადად გაეცნენ.

საერთაშორისო სტანდარტების შესაბამისი ახალი შენობა აღჭურვილი იქნება საყოფაცხოვრებო და კომპიუტერული ინვენტარით. ობიექტის მშენებლობის შედეგად, გაუმჯობესებული პირველადი სამედიცინო სერვისით ისარგებლებს მანგლისის ზონის მოსახლეობა, 3000 - მდე ბენეფიციარი. პროექტის ღირებულება დაახლოებით 300 ათას ლარს შეადგენს. სამუშაოები მიმდინარე წლის ბოლოს დასრულდება.