ქვემო ქართლში სახელმწიფო რწმუნებულმა, შოთა რეხვიაშვილმა წალკის მუნიციპალიტეტში მიმდინარე და განხორციელებული საგზაო ინფრასტრუქტურული პროექტები შეაფასა. ამ მიმართულებით მნიშვნელოვანი სამუშაოები შესრულდა სოფლების - არწივანი, გუმბათი, აშკალის დამაკავშირებელ გზებზე, სადაც ბეტონის საფარი 1 853 მეტრზე მოეწყო. სამუშაოების ღირებულებამ 1 088 873 ლარი შეადგინა.

საავტომობილო გზის მოწესრიგების მიმართულებით მნიშვნელოვანი და მასშტაბური სამუშაოები განხორციელდა სოფელ სამებაში, განთიადსა და საყდრიონში, სადაც მოსახლეობის ინტერესების გათვალისწინებით, ასფალტის გზა, სანიაღვრეები, გვერდითი ტროტუარები და ქვეითთა გადასასვლელები მოეწყო.