7 მარტს, ქვემო ქართლში სახელმწიფო რწმუნებულმა, შოთა რეხვიაშვილმა და საქართველოს რეგიონული განვითარებისა და ინფრასტრუქტურის სამინისტროს, მუნიციპალიტეტის ორგანოებთან ურთიერთობისა და რეგიონებში განსახორციელებელი პროექტების დეპარტამენტის უფროსმა, ირაკლი თოფურიამ, ადგილობრივი თვითმმართველობების ხელმძღვანელ პირებთან სამუშაო შეხვედრა გამართეს. 

ცენტრალური და ადგილობრივი ხელისუფლების წარმომადგენლებმა, სამხარეო ადმინისტრაციაში, რეგიონის მასშტაბით ინფრასტრუქტურული პროექტების მიმდინარეობის შესახებ იმსჯელეს. ყურადღება გამახვილდა კომპანიების მიერ, ნაკისრი ვალდებულებების შესრულების ხარისხსა და პროექტების დასრულების ვადებზე.

სამუშაო შეხვედრაზე დაიგეგმა, კონკრეტული ღონისძიებები, რომელიც ქვემო ქართლის რეგიონში ინფრასტრუქტურული პროექტების წარმატებულ განხორციელებას შეუწყობს ხელს.