30 აგვისტოს, ქვემო ქართლში სახელმწიფო რწმუნებულმა-გუბერნატორმა, შოთა რეხვიაშვილმა, გარდაბნის მუნიციპალიტეტის საბავშვო ბაღებში მიმდინარე სარეაბილიტაციო სამუშაოები დაათვალიერა.

მხარის გუბერნატორი, მოადგილეთან და გარდაბნის თვითმმართველობის ხელმძღვანელ პირებთან ერთად, ადგილზე დეტალურად გაეცნო 11 სააღმზრდელო დაწესებულებებში არსებულ მდგომარეობას. შოთა რეხვიაშვილმა სამუშაოების შემსრულებელი კომპანიის წარმომადგენლებს, მიმდინარე პროექტების ხარისხთან დაკავშირებით, გარკვეული სახის რეკომენდაციები გააცნო და ყურადღება გაამახვილა პროცესის დასრულების ვადებზე.

გარდაბნის მუნიციპალიტეტში, სულ, 23 საბავშვო ბაღში მიმდინარეობს სარეალიბიტაციო სამუშაოები, რომლის ფარგლებშიც ეწყობა შიდა და გარე ინფარსტრუქტურა.

აღსანიშნავია, რომ ამ ეტაპზე, ქვემო ქართლის მასშტაბით, სარემონტო სამუშაოები 34 სააღმზდელო დაწესებულებაში ხორციელდება.