საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
21 მაისი 2018
21 მაისს, რუსთავში ახალი საბავშვო ბაღი გაიხსნა. ცერემონიალს საქართველოს რეგიონული განვითარებისა და ინფრასტრუქტურის მინისტრი, მაია ცქიტიშვილი, განათლებისა და მეცნიერების მინისტრი, მიხეილ ჩხენკელი, ქვემო ქართლში სახელმწიფო რწმუნებული-გუბერნატორი, გრიგოლ ნემსაძე, ქალაქის მერი, ირაკლი ტაბაღუა და ხელისუფლების სხვა წარმომადგენლები დაესწრნენ.
რუსთავის #10 საბავშვო ბაღის შენობა, ოფიციალურად, მხარის გუბერნატორმა და ქალაქის მერმა, დაწესებულების აღსაზრდელებთან ერთად გახსნეს.
ცენტრალური და ადგილობრივი ხელისუფლების წარმომადგენლებმა, შენობის მატერიალურ-ტექნიკური ბაზა დაათვალიერეს, რომელიც ექვს სააღმზრდელო ჯგუფსა და 230 ბავშვზეა გათვლილი.
ადგილზე შესრულებული სამუშაოების ფარგლებში, მოხდა ბაღის შენობის ფასადის საიზოლაციო მასალით დათბუნება, დამონტაჟდა სავენტილაციო, ცენტრალური გათბობისა და სახანძრო უსაფრთხოების სისტემები, შესაბამისი ინვენტარით აღიჭურვა სველი წერტილები, შემოიღობა და კეთილმოეწყო ბაღის ეზო.
პროექტი საქართველოს რეგიონული განვითარებისა და ინფრასტრუქტურის სამინისტროს რეგიონებში განსახორციელებელი პროექტების ფონდისა და ადგილობრივი ბიუჯეტის დაფინანსებით განხორციელდა. სატენდერო ღირებულებამ კი 1 078 222 ლარი შეადგინა.