სახელმწიფო რწმუნებულის - გუბერნატორის ადმინისტრაცია

ბოლნისის, გარდაბნის, დმანისის, თეთრიწყაროს, მარნეულის, წალკისა და ქალაქ რუსთავის მუნიციპალიტეტებში

გერბი

Administration of State Representative - Governor

Bolnisi, Gardabani, Dmanisi, Tetritskaro, Marneuli, Tsalka and Rustavi municipalities

დმანისში საგანმანათლებლო-სარეაბილიტაციო ცენტრი გაიხსნა

25 აპრილი 2018


25 აპრილს ქვემო ქართლში სახელმწიფო რწმუნებულმა-გუბერნატორმა გრიგოლ ნემსაძემ, დმანისის მუნიციპალიტეტის მერმა გიორგი ტატუაშვილმა და საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის პირველმა მოადგილემ დიმიტრი ხუნდაძემ, აშშ-ის არმიის ინჟინერთა კორპუსის და არასამთავრობო ჰუმანიტარული ორგანიზაცია „ექთს ჯორჯიას“ წარმომადგენლებთან ერთად დმანისში საგანმანათლებლო-სარეაბილიტაციო ცენტრი გახსნეს.

ახალგაზრდული სამედიცინო საგანმანათლებლო ცენტრი ძირითადად დიაბეტით ასთმითა და სხვა, არაგადამდები დაავადებების მქონე პაციენტებს მოემსახურება. ცენტრში გაიმართება სამედიცინო საგანმანათლებლო პროგრამების სწავლება, რომლებიც ფოკუსირებული იქნება საჭირო სამედიცინო ხასიათის ინფორმაციის მიწოდებასა და იმ უნარების ჩამოყალიბებაზე, რაც ხელს შეუწყობს ბენეფიციარებს დაავადების დამოუკიდებლად მართვის პროცესში.

,,მოხარული ვარ რომ საერთაშორისო პარტნიორებისა და არასამთავრობო ორგანიზაციის ჩართულობით დღეს დმანისში გავხსენით თანამედროვე სტანდარტების შესაბამისი საგანმანათლებლო-სარეაბილიტაციო ცენტრი, რომელიც სეზონურად მთელი ქვეყნის მასშტაბით 100-მდე მსურველს მოემსახურება. ბენეფიციარები ადგილზე კვალიფიციური პერსონალის მომსახურებით ისარგებლებენ და გარდა სამკურნალო პროცედურებისა, საგანმანათლებლო და სპორტულ აქტივობებში ჩაერთვებიან. ჩვენ მაქსიმალურად ვიქნებით ყველა იმ წამოწყებისა და ინიაციატივის მხარდამჭერები, რომელიც მოსახლეობის საჭიროებებზე და მათი მდგომარეობის გაუმჯობესებაზე იქნება მიმართული“-განაცხადა გუბერნატორმა.

აღსანიშნავია, რომ პროექტი დაფინანსებულია ამერიკის შეერთებული შტატების თავდაცვის დეპარტამენტის მიერ ჰუმანიტარული დახმარების პროგრამის ფარგლებში. პროექტი, აშშ-ის ევროპული სარდლობის თავდაცვის სფეროში თანამშრომლობის სამსახურის დაკვეთით, უშუალოდ განახორციელა აშშ-ის არმიის ინჟინერთა კორპუსმა, მათ მიერ შერჩეული კონტრაქტორი კომპანიის საშუალებით (CESCO). 
 


  • დმანისში საგანმანათლებლო-სარეაბილიტაციო ცენტრი გაიხსნა
  • დმანისში საგანმანათლებლო-სარეაბილიტაციო ცენტრი გაიხსნა
  • დმანისში საგანმანათლებლო-სარეაბილიტაციო ცენტრი გაიხსნა
  • დმანისში საგანმანათლებლო-სარეაბილიტაციო ცენტრი გაიხსნა
  • დმანისში საგანმანათლებლო-სარეაბილიტაციო ცენტრი გაიხსნა
  • დმანისში საგანმანათლებლო-სარეაბილიტაციო ცენტრი გაიხსნა
  • დმანისში საგანმანათლებლო-სარეაბილიტაციო ცენტრი გაიხსნა
  • დმანისში საგანმანათლებლო-სარეაბილიტაციო ცენტრი გაიხსნა
  • დმანისში საგანმანათლებლო-სარეაბილიტაციო ცენტრი გაიხსნა
  • დმანისში საგანმანათლებლო-სარეაბილიტაციო ცენტრი გაიხსნა